Dwitun Basumatary
कक्राझार,कसुगांव :अक्ट-16/01/2020 बि.टि.ए.डि खुंथायनि सिंआव थानाय आथिखालनि कक्राझार जिरलानि कसुगांव खुन्तुला दैसानि हाब्रां थेखाबाजारआव दिनै 16/01/2020 अक्ट फुंनि 8.30 रिंगाआव थेखाबाजार दालायसा गुदि बाथौ आफादनि खुंगा 2थि मागो खेराय फोरबोआ जागायबाय।फोरमायहरनाय जायोदि खेरायआ बरनि मोनसे हारिमुआरि आंगो फोरबो आरो खेराय होनाय हुदानि थाखायनो बरनि हारिमुआ मोजांयै थांना दं होनना गोबां आनो बूंङ्गो |
बे बादिनो गावनि धोरोम खौ सिबिनायजों लोगोसे बोहैथि बोसोरनि 2020मायथायनि 16आरो17 जानुवारि अक्टखालि थेखाबाजार दालायसा दुलाराय गुदि बाथौ आफादआ खुंगा 2 थि मागो खेराय फोरबो खुंफुंनो थाखाय आखायआव लानाय जादोंमोन आरो बै मागो खेराय फोरबोया दा कक्राझार जिलानि कसुगांव पुलिस बेनदोंनि सिंआव थानाय खुन्तुला दैमानि हाब्रां थेखाबाजारआव सोलिगासिनो दं।
गाहायै थेखाबाजारनि बै गोथार खेरायसालियाव गुदि बाथौ थानसालिनि हाबग्रा लांगोनाखौ जोबोर समायना रमायना साजायनाय नुथायाबो नुनो मोनदों आरो बायदि थावनिफोरखौ रैखाथि गोनां बादियै साब सिखोनसाखोन लाखिनाय नुथायखौ नुनो मोननाय जादों आरो सानसुनि जामुं जानायनि थाखायबो मागो खेराय फोरबो खुंफुंथाय आफादनिफ्राय राहा खालामना होनाय जादों होनना मिथिनो मोननाय जादों।दिनै फुंनि 8.00 रिंगानिफ्राय मागो खेराय फोरबोनि हाबाफारिखौ जागायनाइ नुनो मोनो आरो गाबोन 17/01/2020 अक्ट सुक्रबार बाराय खालि मोनानि हारिमुआरि रंजानायजो जोबथा जागोन होनना थेखाबाजार दालासा दुलाराय गुदि बाथौ आफादआ फोरमायना होदों।
मिथिनो मोननाय बादिब्ला 17/01/2020 अक्ट नि 12.00 रिगाआव खुन्तुला दैसानि हाब्रां थेखाबाजारनि खुगा 2 थि माघो खेराय फोरबो नि गेवलां मेल हाबाफारिया जागोन।गेवलां मेलनि बेखेवगिरि महरै सायखजादों मुस्रि जगत दिपेन नार्जारि गाहाय आलासि महरै मुस्रि झंराजा नार्जारि आरो हांख्राजानाय आलासि महरै B.T.C नि E.M मुस्रि मृतुराज नार्जारि मोनआ। बेनि अनगायैबो माखासे बुंथिगिरि फोरा गेवलां मेलआव बाहागो लागोन।मिजिं थियो थेखाबाजार दालाया दुलाराय गुदि बाथौ आफादआ खुंनो लानाय बै माघो खेराय फोरबोया गाहामै गाहाम जाफुंलांगोन होनना आरो बिथां मोनआ बरनि धोरोम फुजिनाय हाबा हुखाफोरनि आसार खान्थि नेमफोरखौ अराय सम लाखिलांगोन होनना।
