Dwitun Basumatary
Kokrajhar: सिरां,कासिकत्रा अक्ट-22/01/2020 आथिखालनि सिरां जिरलानि सिंआव थानाय कासिकत्रा गोजौसिन गेजेर खलब फरायसालियाव देग्लाय बोसोरनि बोसोरारि स्कुल उइक हाबाफारिआ दिनै 22/01/2020 अक्ट बुधबार बारायखालि जोबनानै थांबाय। राजा लामानि साखाथियावनो थानाय कासिकत्रा गोजौसिन गेजेर खलब फरायसालिया गंसे जोबोर समायना फरायसालि बे फरायसालियाव जोंनि बर हारिनि अनगा गुबुन गुबुन हारिनि फरायसाफोराबो सोलोंथाय लागासिनो दं।
मोनथिनो मोननाय बादिब्ला कासिकत्रा गोजौसिन गेजेर खलब फरायसालियाव बोसोरफ्रोमबो बोसोरआरि स्कुल उइक हाबाफारिखौ खुबोबाय थाबोखादोंमोन आरो देग्लायबो बोहैथि बोसोर 2020 मायथायनि बोसोरआरि स्कुल उइक हाबाफारिखौ 18 जानुवारि अक्टनिफ्राइ 22 जानुवारि अक्टसिम कासिकत्रा गोजौसिन गेजेर खलब फरायसालियाव खुफुंनाय हाबाफारि लानाय जादोंमोन। हाबाफारिया दिनै 22/01/2020 अक्ट खालि कासिकत्रा गोजौसिन गेजेर खलब फरायसालिनि गासै फरायसाफोरनि हारिमुवारि रंजानायजों जोबोर गाजा गोमजायै आरो मेहेरगोनांयै जोबना थांबाय होनना मिथिनो मोनदों।खौरां बिजोंआव मिथिनो मोनबावनाय बादिब्ला कासिकत्रा गोजौसिन गेजेर खलब फरायसालिखौ इं 1955 मायथाइआव गायसननाय जादोंमोन आरो दिनै बै फरायसालिखौ मानगोनां फानिराम दैमारिआ गाहाय फोरोंगिरि महरै सामलायगासिनो दं।
देग्लाय नि बोसोरआरि स्कुल उइक खुंफुंनाय हाबाफारियाव कासिकत्रा गोजौवसिन गेजेर खलब फरायसालिनि फरायसाफोरा जोबोर मोजां मोनदों आरो फरायसालिनि जि.एस बिथां आं फोरमायना बादिब्ला कासिकत्रा गोजौवसिन गेजेर खलब फरायसालिनि बै बोसोरारि हाबाफारिया जोबोर गाहामयैनो जाफुंलांदों होनना मिथिनो मोननाय जादों।
