Dwitun Basumatary
गुवाहाटी अक्ट-31/01/2020 सानसे समाव बर हारिनि थाखाय आखायाव हाथियार लाना, थै थां सोमाव सारबो बोनाय एन.दि.एफ.बि(एस) आफादआ भारत सरकारजों हाग्रानिफ्राइ फैना सावरायफैनायखौ जों बयबो मिथिगौ। खौरां मोननाय बादिब्ला एन.दि.एफ.बि आफाद आ हाथियार गथायबाय। बुंनो गोनां बाथ्राया बेनोदि आथिखालनि गुवाहाटीयाव 30/01/2020 अक्ट खालि माखासे खौरां बिजोंफोराव दुलाराय बर फरायसा आफादनि आफादगिरि सार फ्रमद बरआ बुंथिनाय। मालायनि नारसिननाय गादबनायआ माखासे थासारियाव बर हारिनि राजखान्थि, समाजखान्थि गासैबो थेर बेथेर जालांहोबायमोन आरो जों दा बिखौ गोदानै दाफाम फिननो थाखाय मोजां खालामनो थाखाय बयबो जान्जि खाफ्रानानै खौसेयै नाजानांगोन, जेब्ला ननि सासे जोहोलावआ ननि सासे फिसाया बायहेराआव थांनानै थायो आरो बिनि जिवआ अराय सम अलखदआव थायो अब्ला माब्लाबाबो सान्थि फैया |
