मेट्रिक आनजाद आरो H.s नैथि बोसोरनि आनजाद लिरनाय आ गाहामै गाहाम सोलिगासिनो दं।

[09:19, 2/16/2020] Dwitun Basumatary Kokrajhar:


The Siphung : सिरां,सिदलि अक्ट-16/02/2020 फोरमायहरनाइ जायोदि आथिखालनि सिरां जिल्लानि सिंआव थानाय बासुगांव आरो कासिकथ्रा गोजौवसिन गेजेर खलब फरायसालिआव फरायसाफोरनि मेट्रिक आनजाद आरो H.s नैथि बोसोरनि आनजाद लिरनाय आ गाहामै गाहाम सोलिगासिनो दं। आनजाद लिरगिरि आरो गासै फराइसुला फरायसुलिफोरखौ बराइनाइ थाबाय। मोनथिनो मोननाय बादिब्ला बासुगांव आरो कासिकथ्रा गोजौवसिन गेजेर खलब फरायसालिआव गासै सा स्निजौनि बारा आनजाद होगिरिफोरा आनजाद लिरगासिनो दं होनना मिथिनो मोननाय जादों। बासुगांव गोजौसिन गेजेर खलब फरायसालिआव गुबुन गुबुन फरायसालिनिफ्राइ आनजाद होनाइ फरायसाफोरखौ बासुगांव दखरा दुलाराय बर फरायसा आफादनिफ्राइबो बराइनाइ नुनो मोननाइ जादों।


सिरां जिल्लानि सिङाव थानाय बासुगांव आरो कासिकथ्रा गोजौसिन गेजेर खलब फरायसालि बै मोननै आनजाद मिरुआव गासै फराइसुला आरो फरायसुलिफोरखौ देग्लाय 2020 माइथायनि बोसोर आरि मेट्रिक आनजाद आरो H.s नैथि बोसोरनि आनजादखौ गाहामयै गाहाम लिरफुंलांगोनखौ मिजिं थिबाइ। आनजाद मिरुआव थिसनथाइफोरनि होजानाइ थाखो खथानि नाइगिरि, सामलाइगिर मानगोनां फोरोंगुरि आरो फोरोंगिरिनिजो मोनखौबो मोजांयै मोजां गावबा गावनि मावनांगौ हाबाफारिफोरखौ मावलांबाइ थागोन बेखौ बुंहरनाइ थाबाय। दिनै थांनाइ 10 फेब्रुआरि अक्टनिफ्राय मेट्रिक आनजाद आरो 12 फेब्रुआरि अक्ट निफ्राय H.s नैथि बोसोरनि आनजाद आ दुलाराय आसाम नाङै सोलिनाइआव सिगां समनिफ्राइनो गासै खान्थि फोरखौ आसाम हादरसा नि सोलोंथाय बिफान आ जोबोर गोख्रोंयै खालामबोदों। खावलाइनाइनि गेजेरजों बुंहरो गोनांदि आनजाद सालियाव फरायसाफोरा गावनि गासै थासारिनिफ्राइ लानानै गासै बुब्लखौ फरायसा महरैनो था आरो आन्जाद मिरुनि खान्थि फोरखौ मानिनानै सोलिगासिनो बेखौ बुंहरनाइ थाबाय । आनजाद हैनो थांनाइ समाव मबेल पननि उसुबिदा आरो गाव गावनि बेकफोखौ मोजांयै जोथोन ला। आनजाद सालिनिफ्राइ बेक दोननो थाखाय थावनि खालामना दोनखानाइ जादों। दिनै आरोबाव आनजादसालिफोराव गासैखौबो बिजिरनो आरो नाइदिंनो थाखाय सरकारि बिफाननि गार्डफोरखौ दोनखानाइबो नुनो मोनदों।



7 व्यूज0 टिप्पणियाँ

हाल ही के पोस्ट्स

सभी देखें

BODO Culture in The History

India on Friday warned China