Dwitun Basumatary
Kokrajhar: सिरां,बासुगांव। अक्ट-23/01/2020। सिरां जिल्लानि सिङाव थानाय बिमा रुफामनि धोरोमजों सोमोन्दो गोनां गियानफुरि रुफामनि बाथौ फरायसालिनिफ्राय देग्लाय 2020 मायथाइनि फेब्रुआरि दानआव जानो गोनां मेट्रिक आनजादाव सा जिदाइन फरायसा फरायसुलिफोरा बाहागो लागोन।सिरां जिल्लानि बासुगांव गोजौसिन गेजेर खलब फरायसालिनि आजाद मेरुआव जानो गोनां मेट्रिक आनजादखौ फरायसालिनि फरायसाफोरा मोजांयै लिरगोन होनना खौरां मोननाय जादों।
इं 2001 मायथाय आव बिमा रुफामनि धोरोम जों गायसननाय जानाय रुफामनि गियानफुरि बाथौ फरायसालियाव दा सानदि फरायसाफोरखौ सोलोंथाय होनाय खामानिया मोजांयैनो सोलिगासिनो दं होनना गाहाम खौरांबो मोननो हादों। मोनथिनो मोनबावनाय बादिब्ला थांनाइ बोसोरआवबो रुफामनि गियानफुरि बाथौ फरायसालिनिफ्राय सा जिदाइन फरायसा फरायसुलिफोरा बाहागो लादोंमोन आरो गासै सा थाम फरायसाफोरा सेथि थाखोयाव उथ्रिनो हानानै फरायसालिखौ जोबोर मोजां मुं लाखिदों होनना खौरां बिजोंआव फोरमायना होदों।
बुंनो थांयोब्ला गियानफुरि रुफामनि बाथौ फरायसालिनि फरायसाफोरनि गाननाय जोमनाय फरायसालिनि द्रेस फोरा जोबोर सिखोन साखोन आरो बाखोनायजाथाव रुफामनि गियानफुरि बाथौ फरायसालिनि फरायसाफोरा जेब्लाबो फोरोंगिरिफोरनि बोसोन होनाय आरो गासै आयदाफोरनि फोरोंथाय होनायखौ मोजांयैनो मानिना सोलियो होनना खौरां बिजों आव मिथिनो मोननाय जादों।
