आसाम रायजो एबा बि.टि.सि. खुंथायनि सिंआव थानाय सिरां जिल्लानि मोनसे देरा दुया समायना सहर बासुगावनि

Dwitun Basumatary

The Siphung : अक्ट,12/02/2020 // : गोदानै प्लाय अफार जागोन मिजिंजों बासुगांव सहरनि माखासे सोलायनाय नुथाय। फोरमायहरनाय जायोदि आसाम रायजो एबा बि.टि.सि. खुंथायनि सिंआव थानाय सिरां जिल्लानि मोनसे देरा दुया समायना सहर बासुगावनि गेजेरजों कक्राझार फारसे थांनाय दोंसे लामाखौ हादरसा सरकार आरो बि.टि.सि. सरकारा मोजां हानथा मेला खाबुनि थाखाय फोसाबनो थांखि लानाय आरो मेल मिथिंयाव रायजो राजाफोरनो जावले जावले बुंथिनायलाय दिनै बासुगाव आव जानो गोनां गोजौजों लामा बारसग्रा एबा ल्पाय अफारआ मोगथां महर मोननो गिबियै जागायबाय जाहोनाव दिनै बासुगाव सहरनि बिखायाव माखासे सोलायनाय फैदों ।बुंनो गोनां खोथाया बेनोदि गोदो गोदायनिफ्रनो फालांगि मावना आलो आलो राइजो जाबोनाय बाङालि,बिहारि,बर,असमिया बायदी हारिनि माखासे सुबुंफोरा बासुगाव सहरनि गाहाय लामानि सेर सेर थानाय गावसिनि गलाखौ सिफायना हगारनो गोनां जादों।नुनो मोनबाय थानाय बादिब्ला दासिमआव माखासे सुबुंफोरा गाव गावनि गलाखौ नागारनानै थानो गोनां जादों आरो खासेफोरा दखानखौ गेजेर ससेसिम सिफायना जोबोर दुखु -खस्टनि गेजेरजों सोलिनाय थानाय नुथायखौ नुनो मोनदों।बाला,अनथाय सिमेटजों बानायनाय बासुगाव सहरनि बै मोजां मोजां गलाखौ सिफायना याव दिनैसिम गोबां समबो लादों आरो दासिमबो माखासे गलाफोरखौ सिफायजोबनो हानाय जायाखै।दिनै बासुगावनि सहर बिखाआव हाबथानि मोननै बारायाव हाथाय बाजार खालामग्रा सुबुंफोराबो गलादारिफोरनि बै गला गोमा जानांनाय जाथाइखौ दुखु मोनदों।बासुगाव सहरनि सुबुं आरो बेनि खाथि खाला थानाय ओनसोलनि सुबुफोराबो बेखौनो लुबैदोंदि हादरसा सरकार आरो बि.टि.सि सरकारआ बासुगाव आव मावनो लानाय बै खामानिखौ थाबैनो मावफुंना होयोल्बा बयनिबो थाखाइ गाहाम जागोन होनना ।


DIWANA JALANGBAI *Tragedy Bodo Video

26 व्यूज0 टिप्पणियाँ

हाल ही के पोस्ट्स

सभी देखें

BODO Culture in The History

India on Friday warned China